खुब वगत पेले इक सुपया नाम नु इक गाम तु, वणा गाम मय इक गेटल वाळो तो। इनु नाम सुको तु, इने पाय इक घदेडु बी तु। वो रुज घदेड़ा माते बईने गेटल सारवा जातो ते गाम वाल मनक इनेमाते दात काड़त ते
सुको - गाम वाल थकी इनमय दात काड़वा नी हु वात हे मारु घदेडु मारी मरजी केय लकीयु हे हु खाली घुड़ा माते बैवु जुवे बस दात खुब काड़ाईग्या जाईने आपडु काम करो इम गाम वाल नेय केतो तो। सुकाने रातर मय आक थकी कम देकातु इने आ बीमारी ती। अटले अन्दारु पड़ावा पेले वो घेर जातो रेतो तो।
इक वगत कणाक करण खुब लेट थईग्यो तो, ते रोड़ माते इक कार वालो लाईट लगाड़ी नेय आवतो तो। ते सुको रोड़ माते उबो तो कार वाले खुब ओरण वगाड़ीयु पण सुको वो थकी इकाड़े नी वलीयो तवणा कार वालो कार थकी उतरी नेय सुका पाय आविने हु भाई तमे आम रोड़ वेसे उबा रोगा ते आमे गाड़ी हरते सलावगा नेय मु कारनो ओरण वगाड़ी रयोहु बेरा हो हु। तवणा सुको मेय जाणियु बै बाइक हाते हाते आविरई हे, वो नकळी जय नेय मु जउगा मने हु खबर के आ कार हे। तवणा कार वालो अरे भाई आ कार हे, तमारे मय अकल रतीभर नी हे। एवी ईकाड़े रो।
इक दाड़ो सुको घेटळ नेय घदेडु लईने सारवाग्यो सुको इक रुकड़ा ताले आराम करवा लागो ते आराम करतो करतो वो हुईग्यो हाज पड़ीग्यी नेय आन्दारु थईग्यु तवणा वो इक वाघ आवियो तवणा नीदर मय उटीयो सुको अरे खुब अन्दारु थईग्यु हे, घेटळ जातरय नेय घदेडु आबार बी आय उबु हे इम करीने वाघ माते बईग्यो नेय वाघ नेय केवा लागो हेड़ हेड़ घेरे हिड़ इम केवा लागो वाघ बी सुका नेय घेर आड़े हिड़वा लागो गाम नी मनक सुकाने नेय वाघ नेय दिकीने दोड़वा लाग सुको वाघ नेय लईने घेर आवियो नेय इक खुटा हामो बादीयो। तवणा सुका नेय बयरी आ हु वाघ लईने घेर आविया हो। तवणा सुको मुते घदेडु हमजी नेय वाघ लईआवीयो हु एवी हु कर। तवणा बयरी हवार मय माराज नेय केजु माराज आने वगड़ा मय सुड़वा नो आदेस आलेगा तवणा तक आणा वाघ पाय नके जाजु।
बीजे दाड़े दुस्मन आविने वो पड़ाव नाकीयो आ बीजो सपाई दिकीग्यो ते राजा नेय आविने केवा लागो तवणा राजो मन्त्रि थकी आपड़े हु कर आपड़े एण थकी लड़ाई कर के इणने आय आवानी वाट जुव तवणा मंत्रि माराज आ आपड़े माते रातरे लड़ाई करेगा ईण पाय खुब सक्ति हे, अटले मु इक योजना सुसिरयो हु। अटला मय सुको वय आवियो नेय केवा लागो माराज तमारी वात मय मु वेसी पड़ीयो मने माप करीदो मने अन्दरा मय कम देकाये अटले काले रातरे मु इक वाघ नेय घदेडु हमजी नेय इने माते बईने घेरे लावियो नेय इने इक खुटा थकी बी मादी दिदो हे।
मु तमार थकी आत जुडु हु इने वगड़ा मय सुड़वानी कोक वेवस्ता करो मराज आ बीग हे के वो केए मने खाई नी जाये तवणा राजो हुकइ रयो हे सई वात हे। तवणा इक सपाई किदु हाव माराज सई वात हे, मे बी दिकीयो हे। तवणा मन्त्रि नेय इक उपायो हुजीयो नेय मन्त्रि किदु सुका तारी परेसाणी आमे हमजीग्या वणा वाघ नेय आमे वगड़ा मय सुड़ीया वगा पण तमे इक अमारु काम करवु पड़ेगा। तवणा सुको माराज मारी जान बसावा बदले तमे जे को वो करवा बदले तयार हु को हु काम हे। तवणा मन्त्रि किदु के आजे हाजे तमे आतमणी दसा मय आपड़े घदेड़ा माते बईने नेय जोर थकी किनमय अटली हिम्मत हे जे मारे हामे आवेगा इम केतो जाई नेय जावु पड़ेगा।
मन्त्रि - सपाई आणा वाघ नेय तमे वगड़ा मय सुड़ी आवो नेय आणा सुका नेय सपाई वाळ सेतर पेरावी नेय आने घदेड़ा माते बेवाड़ी नेय उगमणी आड़े जावा नु को तवणा सुको सपाई नेय हाते सपाई वाळ सेतर पेरीने आपड़े घेरे आवियो नेय सपाई नेय केवा लागो के आणा वाघ नेय तमे वगड़ा मय सुड़ी आवो मु घदेडु लईने उगमणी दसा मय जउ एम कईने सुको वाघ माते बईने उगमणी दसा मय गयो वो जोर थकी केवा लागो के किनमय अटली हिम्मत हे जे कोई मारे हामे आवेगा तवणा दुस्मन सिपाई वणाने दिकीने कापवा लागा नेय सुसवा लागा के आ इक सपाईयो वाघ माते बईने वगर बीग आवीरयो हे, बीजा सपाया अमारी हु आलत करेगा एम करीने वो थकी नाईग्या। वाय सुका नेय राजे इनाम बी आलीयु।
अकल – अगर आमे कोई बी काम वगर बीग थकी करगा ते इनमय सपळ थगा।
