वारता सालु थाऐ माधवपुर गाम थकी जे खुब अकाळ पड़ी हे, जगा माते केबी पाणी नी हे। आय तक के वणा गाम मय वावड़ीये बी हुकी पड़ी हे। खेती करवा बदले इन्र्दर नी राय सब किसान जुवा जागे नेय सब पुंजा पाठ करवा वाय बी साटा नी पड़ी रया ता। रुज किसान इक जगा माते भीगा थाता नेय वादळ नेय हामे जुता रेता नेय कवणा साता पड़े नेय कवणा आमे खेतर मय काम करी सकगा। आजे बी सब साट नेय वाट जुता जाई बैठाता तवणा इक किसान बुलीयो अरे हरीयो कीरग्यो हे? बै तीन दाड़ तक वो आवि नीरयो हे।
केए मेनत मजदुरी करवा बाजार ते नेय जातोरयो वात दांत काड़वा मय नकळीग्यी पण तीन सार दाड़ वाय बी हरीयो नी देकवा मय आवियो ते सब किसान भीगा थईने हरीया नेय घेरग्या नेय घेर बारते हरीया नो सुरा थकी पुसीयु के हरीयो कीग्यो हे। तवणा हरीया नेय सुरे कीदु के बापो ते खेतर मय काम करवाग्या हे, एम केतो जायने सुरो घेर मय जातो रयो सब जणा सुसवा लागा के लागे हे हरीयो आणी गर्मी मय गाडो ते नेय थयो हे। इम करीने सब जणा दात काडवा लागा किमके सब बदले इक अलग वात ती पण सब मनक सुसवा लागा के हरीयो आणी गर्मी मय खेतर मय हु करतो वे। जुवा बलदे सब मनक खेतर मय जुवाग्य एणे दिकयु के हरीयो खेतर पाय इक खाड़ो खुतरी रयोतो।
सब जणा हेरान थईने हरीया थकी पसियु अरे तु हु करीरयो हे। तवणा हरीयो बुलियो के सटा नी तयारी करीरयो हु। जे मुटा मुटा टोटका काम नेय आविया हे, तारे आ खाडो खुतरवा नो टोटको की काम आवेगा। तवणा हरीये जबाव आलियो के ना ना मुं टोटको नी करीरयो हु। जवणा साटा पड़ेगा ते आणा खाड़ा मय पाणी भीगु थायेगा अगर थुड़ाक साटा पडवा वाय अगर साटा बन्द थयीग्या तो, मुं आणा खाडा नु पाणी थकी खेतर मय पाई सकुगा नेय थुडाक दाडा आम नकळी जयेगा। मनक बुलिय मईना थयीग्या इक साटो नी पडीयो बेकार नी वात नेय टेंम खराब नके कर हिड आमारे हाते, पण हरीये एणनी वात नी हामळी नेय थुडक दाड मय खाडो तयार करी आकीयो।
आमस कोक दाडा नकळीग्या पण इक दाडो असानक रातरे साटा सालु थया सब किसान खुश थया पण आ हु थुड़िक टेंम साटा पडवा वाय बन्द थया। मोरली हवार मय खेतर जुवा किसान नकळीया ते खाली खेतर आकी सके एवस थय तु अटळ सब मनक नारा थईने आपडे आपडे घेर जाता रया बीजी आड़े हरीयो जवणा खेतर मय ग्यो ते खेतर पाय खाड़ो भरणो दिकीने खुब खुश थयो नेय आपडा खेतर ने ओळ थकी आकी नेय एनमय बीज पेरी दिद थुडक दाड वाय हरीया नेय खेतर मय बीज उगीग्य ते हरीये वणा खाडा नु पाणी थकी आपडे खेतर पायु पुरा गाम मय खाली इक हरीया नुस खेतर मय फसळ ती बाकी आके हुको इलाको तो।
अकल – आजे तमे हु करीरया हो इ तय करेगा के काले तमे हु करी सकोगा। अटले साटा नी वाट नके जुवो नेय काम करता रो ते सपळता तमने जरुर मलेगा।
